Tefik Lohaj , Personalitet nga Mirashi

TEFIK LOHAJ

1934-2005

Tefik Lohaj u lind me 11.02.1934 në fshatin Mirash nga babai Rizahu dhe nëna Nurija.

Shkollen fillore e kreu në Mirash në vitin 1948, ishte nxënës shembullor. Vazhdoi mësimin në shkollën Administrative në Kaqanik dy vjet, deri në vitin 1950. Pastaj ndjek mësimin në kursin gjimnazial pedagogjik. Klasen e parë, të dytë e kreu në Pejë, klasn e tretë në Prizren ndërsa mësimet në klasen 8 vjeqare i mban në Shtime në vitin 1953-54. Njëkohësisht klasen e 4 gjimnaz e mbaron në shtator të vitit 1954 dhe provimin e semimatures e jep në Pejë më 07.09.1954.

Mësues për herë të parë emërohet në moshë shumë të re në vitin shkollorë 1949-50, si një mësues i përkohshëm në shkollen fillore në Babush të Muhagjerve. Në Babush  hapi paralelen e parë në Babush në gjuhën shqipe. Në vitin 1950-51-52 vazhdon punën në shkollen fillore ne Mirash, në vitin 1952-53 nö Cerrnill e pastaj në vitin 1953-54 në Godanc,  pastaj kthehet sërish në Mirash si  mesues një vjeqar. Në vitin 1955-56, punon si mesues në Prelez të Muhagjerve.

Punën si mësues e ndërpren pasi shkon në shërbim ushtarak më 01.09.1956. Pas kryerjes së shërbimit ushtar, pranohet mësues në Mirash, ku vazhdon për shumë vite. Krahas punës si mësues Tefiku vazhdon shkollimin me korrespodenc për ta kryer shkollen normale(kualifikimi për mësues). Klasen e parë të Normales e kreu ne vitin 1960 në Gjilan, ndërsa pas hapjes së shkolles normale ne Ferizaj e kreu edhe klasen e dytë, tretë,katërt dhe pestë dhe diplomonë në Shkollen Normale "ZENEL HAJDINI" në Ferizaj në vitin 1968.

Tefiku përseri pranohet në vendin e punës, mësues në shkollen fillore"HALIT IBISHI" paralelja e ndarë në Mirash. Në këtë shkollë punoi pa ndërprerë deri në vitin 1978.

Me datën 22.02.1978, emërohet Drejtor i Shtëpisë së Kulturës “Ruzha Paunoviq”në Babushin Serb.  Në mungesë të personelit të nevojshëm të Shtëpisë së Kulturës, Tefiku mbajti dhe administroi edhe Biblioteken që funksiononte ne kuadër të shtëpisë së Kulturës. Punen e Drejtorit e filloi më 15.03.1978 dhe e vazhdon deri në pension.

Krahas punës në procesin edukativo-arsimor me nxënës punon edhe me të rritur.Udhehiqte kurse mësimore për të rritur,  me femra dhe meshkuj me qëllim të zvoglimit të analfabetizmit i cili ishte aq shume i perhapur në Mirash dhe rrethinë. Gjitheher ishte në ballë të aksioneve për ngritjen, përparimin dhe zhvillimin e fshatit dhe rrethit.

Ishte kryetar i bashkësisë Lokale në Babush. Më vonë nga insistimi dhe kontributi i tij, Fshati Mirashi fitoi statutin e Bashkësë Lokale në vete . Në mbledhjen Konstituive të Bashkësisë Lokale në Mirash, Tefiku zgjidhet Kryetar i Pleqësisë së Bashkësisë Lokale të Mirashit. Ishte një administrator i jashtëzakonshëm. Njifte shkëlqyeshëm organizimin administativ të pushtetit lokal e më lartë.

Shumë herë ishte përfaqësues porotë në Gjykatën Komunale e në vende tjera udhëheqëse.

Gjithëher ishte aktiv, i matur dhe vigjilent, duke i mbrojtur dhe çmuar lartë interesat njerëzore dhe kombëtare.

Gjat viteve 1981-90 kur bëhej diferencimi ideo-politik i kuadrit arsimor në shkollën "HALIT IBISHI", ai si aktivist komunal mbronte arsimtaret dhe ishte në krahun e tyre. Për këto arsye tjera iu kishe bërë halkë në sy e sekretariatit për Punë të Brendshme dhe strukturave nacionaliste serbe të Babushit.

Gjatë mitingut të serbëve në Babush (të njohur si Jogurt-Revolucioni), udhëheqësit e atij mitingu ngrenë edhe pyetjen se si është e mundur që Drejtor i Shtepisë së Kulturës në Babushin Serb të jetë një shqiptar. Aty u kërkua që të largohet sa më parë Tefiku nga posti që mbante.

Në Stacionin e policisë në Basbush siq tregojnë ish policët shqiptar të asaj kohe, bisedohej rregullisht për burgosjen e Tefikut.

Pas një Demontarte në fshatin Mirash, të nesërmen më 30.01.1990 burgoset. Fillimisht dërgohet në Stacionin e policisë në Babush e prej aty përcillet në SPB në Ferizaj. Aty mirret  në “bisedë informative”, maltretohet dhe keqëtrajtohet rënd. Nga aty dërgohet në Gjykatën Komunale dhe akuzohet për Organizimin e Demonstratave në Mirash. Dëshmitarë i aktakuzës ishte zëvendës Komandani i Stacionit Policorë nga Babushi.

Në atë kohë në Gjykatën Komunale akoma punonin shqiptarë. Tefiku nuk ishte emër i panjohur për nëpunësit e gjykatës. Dëshmitari i aktakuzës nuk paraqitet në Gjykatë andaj Gjykata në mungesë të dëshmive e liron nga aktakuza, por për ta mbajtur nën hetime deri në fund të jetës.

Pas presionit të vazhdueshëm, u detyrua të kërkon pensionin të parakohshem.

Me 18.02.1989 paraqet lutje ne BVS për Sigurimin Pensional dhe Invalidor për pensionim të parakohshem .

Edhe si pensionist, pushteti serb nuk e la të qetë. Gjat viteve të 90-ta shum herë mirret në pyetje në SPB të Ferizajt dhe në stacionin Policor në Babushin Serb. E mundonin, e kërcënonin, e akuzionin se mbante arme pa leje, me këtë pretekst disa herë e rrahën e maltretuan.

Mesuesi Tefik ishte edukator, shok dhe këshillues i mirë, i qetë dhe i dashur për të gjithë.

Pas një sëmundje të shkurtër vdes në spitalin e Prishtinës me 10 Prill 2005 duke lënë pas vepra dhe kujtime të mira.



K O M E N T E 

Për Mirashin ka qen nderë që patem personalitete si Bacin Tefik! Për mua dhe gjenaratat e reja ka qen kënaqësi e veqant të merrnim këshilla nga gjith ai bagazh Kombëtar e intelektual që mbarte Baci Tefik. Të gjith Mirashianët jemi hisedar në ngushllimin dhe krenarinë a familjes Lohaj! Respekt.

Gazmend Bytyçi

Ne ende shpresojmë se do të ktheheni përsëri në familjen tonë të gjerë, sepse nuk po kemi shpirt dhe durim të pajtohemi me vdekjen tënde e cila te mori në momentin kur ne ishim në lulen më të bukur të rinisë dhe ti ishe shumë i gëzuar që kishe një familje të respektuar.Prania jote edhe sot është e nevojshme, prandaj ne ndiejmë nevoj ende për ty. Të përkujton me mall në këtë 8 vjetor të vdekjes tënde familja.

Bekim Lohaj

Respekt për veprën dhe personalitetin e Bacës ( Mësuesit ) Tefik .

Rashit Qalaj

Ishte i nderuar dhe i rrespektuar nga të gjith dhe ashtu do të mbetet edhe ne na bëri që të mburremi që e patën.

Nexhat Lohaj

Po është e vërtet se për një njeri të menqur , të urtë dhe të afërt me gjithkënd jo vetëm familja e afërt që e ndin mungesën për te, por i  gjithë  fshati ynë  dhe ata që e njohën!!!

Sadbere Bytyçi-Biba

Baca Tefik ishte njeri i urtë e mikprites , i rrespektuar e vizionar , e kujtojmë  me Rrespekt.

Hanefi Bytyçi

E kujtojm me rrespekt

Arsim Qalaj

Rrespekt për mësuesin tim të parë.

Sebahate Selmani-Mehanolli

Kam pas nderin të jem pjesë e aktiviteteve të përbashkëta me bacën Tefik në fshatin tonë. I jam mirënjohës, sepse nga urtësia, mençuria dhe mendjemprehtësia e tij, kam përfituar në zgjidhjen e problemeve në komunitetin tim.

Bashkim Bytyçi

Paqëja qoft e tija dhe e familjes që e la pas: Krenaria na mbetet neve brezave pas tij, andaj uroj që shembulli i i bacës Tefik të jet frymëzim për ne dhe ardhmërin e rinisë së fshatit ton dhe më gjer.

Jeton Bytyçi