Në kujtim të Bacit Deli

NË KUJTIM TË  BACIT DELI

Ditë më parë (10.03.2013) në fshatin Mirash vdiq bashkvendasi ynë Deli Bytyçi. I ndjeri u varros në ditën e neserme më 11.03.203 në varres e reja tek “guri i gatë”.

Pas ceremonisë fetare, këshillatari komunal nga Mirashi, z. Ymri Hashani foli për kontributin e Bacit Deli për fshatin Mirash. Ai në emër të Degës së LDK-së në Ferizaj, dhe Nëndegës në Mirash, familjes së Bacit Deli, shokëve dhe miqëve u shprehu ngushllimet më të sinqerta.

Po kush ishte në të vërtetë Baci Deli?

Deli Hajdin Bytyçi u lind 03.03.1928 në Mirash.

Ai gjatë tërë jetës punoi e veproi në interes dhe të mirë të fshatit Mirash. Ishte njëri ndër organizatorët e shtrimit me zhavorr  për herë të parë të rrugës në drejtim të Babushit. Ai ishte njeri ndër organizatorët e shume aksioneve vullnetare per mirëmbajtjen e asaj rruge dhe hapjen e kanaleve  anësore të rrugës.

Lëshimi në qarkaullim i autobusit në  linjës Ferizaj-Mirash dhe anasjelltas është edhe kontribut i bacit Deli.

Baci Deli me veprimtarët tjerë të kohës interesoheshin për fushat e korrje-fshirjes duke kërkuar kombajner dhe duke bërë çmimin për ta.

Në ndërtimin e shkollës së re dhe  asfaltimin e rrugës në Mirash  Baci Deli dha një kontribut të jashtëzakonshëm.

Pas ndrrimit të emrit të shkollës në Mirash nga ana e pushtuesit serb ai kundërshtoi këtë akt barbar dhe morri pjesë aktive në të gjitha organizimet protestuese. Ishte në delagacionin e Mirashit për bisedime me strukturat e atëhershme të Komunës dhe BVI-së së Arsimit (sot drejtoria e Arsimit) për zgjidhjen e kontestit rreth emrit të shkollës.

Gjatë kohës së grevës së Minatorëve, për telegramin përkrahës dërguar Minatorëve ishte edhe vendosmëria dhe kontributi  i Bacit Deli.

Baci deli kontribuoi edhe në grumbullimin mjeteve financiare si ndihmë Radio Televizionit të Prishtinës i cili ishte atëkohë i rrezikuar së ekzistuari nga bllokada serbe që i bëhej atij.

Baci Deli ishte anëtar i këshillit organizativ për themelimin e Nëndegës së LDK-së Mirash. Në Kuvendin e parë zgjedhorë të LDK-së në Mirash Baci Deli u zgjodh anëtarë i Kryesisë së LDK-së. Aktivist i LDK-së në Mirash Baci Deli ishte deri në fund të jetës së tij.

Në ditët e sotme, për gjeneratat e ardhëshme por edhe të sotme, Baci Deli duhët te jetë shembull i veprimtarisë vullnetare në të mirë të fshatit Mirash pa përfitime personale.

xhavit selmani