Mirashi Info;25 prill 2012

Komuna e Ferizajt, bënë meremetimin e rrugëve të dëmtuara

Me përmirësimin e motit ka filluar të behët edhe meremetimi i rrugëve të dëmtuara gjatë dimrit.

Sipas drejtorit të Drejtorisë së Planifikimit, Zhvillimit dhe Rindërtimit Ardian Ferizit, rregullimi i rrugëve ka filluar që nga java e kaluar dhe do të vazhdojë deri në mbylljen totale të gropave të krijuara nëpër rrugët e qytetit, por edhe të fshatra të Komunës së Ferizajt. “Kemi filluar nga rrugët e qendrës së qytetit që janë të dëmtuara, duke vazhduar më tej edhe me rrugët periferike, pastaj do të bëhet edhe rregullimi i rrugëve nëpër fshatra. Ne shpresojmë se brenda 10 ditëve të përfundojë faza e parë e meremetimit të të gjitha rrugëve të cilat janë dëmtuar”, ka thënë drejtori Ferizi, duke shtuar se në meremetim të rrugëve është intervenuar aty ku ka qenë e nevojshme .“Është intervenuar në tri rrugë të qytetit, pastaj në fshatrat, Mirash, Rahovicë, Papaz, Bibaj, Sazli, Zaskok , do të intervenohet aty ku është e nevojshme”, ka thënë Ferizi.

Po ashtu edhe shumë rrugë të tjera në qytet, por edhe në fshatra po rregullohen më zhavorr, ku vëmendje më e madhe i është kushtuar aty ku gjatë vitit të kaluar është bërë edhe instalimi i rrjetit të kanalizimit.

Numri një i Drejtorisë së Planifikimit, Zhvillimit dhe Rindërtimit, Ardian Ferizi, ka theksuar faktin se Komuna e Ferizajt, shumë shpejt do të fillojë që të bëjë edhe asfaltimin e fazës së dytë të rrugëve të qytetit, por edhe të fshatrave të cilat janë realizuar më dy faza.

U bë e ditur se për meremetim të rrugëve me buxhet te vitit 2012 janë ndarë 100 mijë euro.