 |
| Pikturë nga Remzi Lohaj |
Vizatimi është një nga përpjekjet më të vjetra
në historinë njerëzore për tu shprehur në mënyrë krijuese. Gjetjet e
rëndësishme në shpellat e Altamira (Spanjë) dhe Lascaux (Francë) datojnë rreth
vitit 27000 para epokës së re. Në
mungesë të transportuesve të tjerë të fotografive, motivet u gdhendën në mure
shkëmbore, u aplikuan në muret e shpellës me qymyr ose me ngjyra natyrale nga
bimë dhe toka të ndryshme.
Një vizatim është një (imazh) që tregon një
motiv (subjekt) në një mënyrë të thjeshtuar me linja dhe vija. Kjo dallon
vizatimet nga piktura, e cila paraqet një motiv përmes përdorimit të gjerë të
ngjyrave dhe vlerave tonale.
Ekspozita
e pikturave në Mirash
 |
| Remzi Lohaj |
Edhe në Mirash është mbajte ekspozitë me
piktura. Për herë të parë në historinë e Mirashit një ekspozitë pikturash u
mbajt në pranverën e vitit 1979.
Remzi Lohaj i cili që nga fëmijëria kishte talent
në vizatim fillon së studiuari artit
figurativ në Shkup të Maqedonisë së sotme të Veriut. Si student kthehet në vendlindjen,
përkatësisht në objektin e shkollës
fillore (objekti i vjetër) për të bërë hapjen e ekspozitës me veprat e tija
artistike si pikture dhe grafikë. Veprat
artistike ishin të ekspozuara në hollin e shkollës.
Pos nxënësve edhe shumë bashkëvendës vizituan
këtë ekspozitë e cila zgjati disa ditë. Ishte një risi që parë nuk kishte
ndodhur andaj u mirëprit nga të gjithë. Duhet kujtuar se në vitin 1979, Mirashi
kishte njëmbëdhjetë vite që ishe elektrifikuar.
Ekspozita e dytë e Remzi Lohajt u hap më 14
Nëntor 1980 në kuadër të solemnitetit të organizuar me rastin e inaugurimit të objektit të ri të shkollës
fillore në Mirash.
xhavit selmani
Kommentare
Kommentar veröffentlichen