VITET SHKOLLORE 1950 –59

VITI SHKOLLOR 1950-51

Punën e të parëve e vazhdojnë Avdi Bytyçi nga Sllovia dhe Murat Kongjeli nga Sazlia. Ndihmës nëpunës ishte Rifat Bytyçi.

Në këtë vit shkollor në Mirash numri i nxënësve zvoglohet ngase nxënësit nga Cërnilla i vazhdojnë mësimet në shkollën e tyre.

Inspektorët u bënin vizita shkollave, bënin këshilla, vërejtje, kontrollonin suksesin e nxënësve, që kishin arritur mësuesit në vitin gjegjës. Çdo shkollë e kishte buxhetin e caktuar nga komuna për punën edukativo-arsimore. Në shkollë ishte përgjegjës drejtori i shkollës, i cili njëkohësisht punonte si mësimdhënës.

Numri i nxënësve

KL       M        F         HJ       KL       M        F         GJ

I          24       19        43       II         26       16        32

III       14        7          21        IV       14        8         22

VITI SHKOLLOR 1951 – 52

Shkolla punonte me katër klasë (I-IV).  Mësues emërohet Demir Gashi nga Sllovia. Ky filloi punën me klasë të kombinuara (dmth I-III dhe II-IV). Mirëpo fatkeqësisht mësuesi në gjysmëvjetorin e dytë sëmuret dhe vdes, kurse nxënësit mbesin pa mësues. Bashkësia për Arsim e Kulturë e Rrethit të Lypjanit e dërgon mësuesin e Shkollës fillore të fshatit Cërnillë, Tefik Lohaj që të punoj me nxënësit e shkollës në mirash (kl.I-IV). Ky punoi afërsisht dy muaj me kushte të vështira të punës. Suksesi ishte maksimal. Suksesin e nxënësve e kontrolloi komisioni i formuar prej Inspeksionit të Arsimit nga Rrethi i Lypjanit.

VITI SHKOLLOR 1952-53

Kuadri arsimor; Gani Tahiri nga Godanci dhe Avdi Bytyçi. Punonin para dhe pas dite me nga një klasë. Numri i përgjithshëm i nxënësve ne këtë vit shkollor ishte 132, femra 56, meshkuj 76 nxënës. Klasën e kryen me sukses pozitiv 93 nxënës.

VITI SHKOLLOR 1953-54

Punën e  Gani Tahirit me nxënës e vazhdoi Hamit Tmava nga Llugaxhia, kurse me klasë të parë dhe të dytë punonte Avdi Bytyçi. Asnjëri nuk kishte kualifikim përkatës. Mësimet i vijonin 107 nxënës, prej tyre 41 femra, meshkuj 68. Me sukses e kaluan klasën 64 nxënëx, përsëritën 43 nxënës.

VITI SHKOLLOR 1954 – 55

Në këtë vit shkollor me nxënës punuan Avdurrahim Arifi dhe Tefik Lohaj. Për numrin e nxënësve dhe punën edukativo-arsimore shënimet mungojnë. Ndihmës nëpunës ishte Fetah Xhema (Qalaj).

VITI SHKOLLOR 1955-56

Shënimet mungojnë në tërësi. Shënimet minimale janë: Në klasën e IV janë të regjistruar 9 nxënës, prej tyre gjenden nga numri 9 deri në 20. Punën me nxënës  e kanë vazhduar Sabri Tasholli nga Gadimja e poshtme dhe Ruzhdi Marevci i cili qe edhe drejtor shkolle. Ai thotë; “Në Mirash e ndjeva zhgënjimin më të madh ngase UDB-ja në krye me kriminelin Kërsto Malloviqin ne prezencën time rrahu shumë prindër të nxënësve të mi. Kur unë e kundërshtova ai m’u kërcënua”.

VITI SHKOLLOR 1956-57

Drejtor dhe mësues qe Hysen Thaqi dhe mësues Sabri Tasholli. Mësimi me nxënës zhvillohej në këtë mënyrë: Mësuesi paradite punonte me njëren klasë e pasdite me klasën tjetër , dmth nuk bëhej kombinimi i klasave. Bashkëpunimi me prindër ishte në nivel.

Numri i nxënësve

KL       M        F         GJ       KL       M        F         GJ

I          15        18        33       II         31        23       54

III       24       13        54       IV        10        7          17

VITI SHKOLLOR 1958-59

Në këtë vit shkollor me nxënëx punonin: Tefik Lohaj dhe Haki Bajraktari. Mësuesit punonin paradite me një klasë dhe pas dite me klasën tjetër. Kushtet për mësim ishin minimale.

Mësuesit nuk e kishin kualifikimin e duhur por angazhimi i tyre për punë ishte i madh, prandaj suksesi nuk mungonte.

Bashkëpunimi i tyre me prindër ishte në nivel. Fatkeqësisht nxënësit që kryenin klasën e IV-të shumë pak arrinin t’i vazhdonin mësimet më tutje, sepse shkollë tetëvjeçare kishte vetëm në Gadime e kjo qe 6 km larg nga Mirashi.

Paralele         Nr. I nxënësve         Suksesi i nxënësve

4                     M   F    GJ                 Poz: Neg. Nuk vijojnë

                        77  64  141                132    -        9

(Marrë nga Monografia “Shkollat në Komunën e Ferizajt” të autorëve Qemal Ratkoceri dhe Ruzhdi Marevci. Botues: Shoqata Regjionale e Veteranëve të Arsimit “Zekeria Cana” Ferizaj, 2007)