mirashi info; 27.09.2012

Ekipi i Edukimit mban ligjërata informuese për dukuritë negative

Këtë të mërkurë ka filluar fushata”Jeto shnetshëm” projekt ky që ka për qëllim informimin e nxënësve për dukuritë negative.

Caritasi i Luksenburgut në bashkëpunim me komunën e Ferizajt dhe Qendrën Kryesore të Mjekësisë Familjare në Ferizajt, pikërisht Ekipi i Edukimit, kanë organizuar disa ligjërata për nxënësit e shkollës “Ali Hadri” në fshatin Mirash të Ferizajt, me moton “Jeto shnetshëm”. Ky projekt kishte për qëllim informimin e nxënësve rreth “Dukurive devijuese në shoqërinë tonë”. Bashkim Hyseni drejtor komunal për Shëndetësi dhe Mirëqenie Sociale, ka theksuar se ky projekt është në vazhdimësi të punës që po e bënë Caritasi i Luksenburgut .

Temat të cilat janë përzgjedhur për këtë projekt janë të bazuara në nevojat e përditshme të informimit, duke filluar nga parandalimin e disa dukurive negative të cilat kohëve të fundit janë duke u përhapur në shoqërinë tonë si nga parandalimi i mos pirjes  së duhanit, ndalimi i lëndëve narkotike, vetëdijesimi i sëmundjeve ngjitëse etj.

Edhe përfaqësues  të Caritasit të Luksenburgut theksuan se projektet e tilla kanë nevojë për mbështetje të vazhdueshme, duke shtuar se fshati Mirash është njëra ndër 4 komunat kryesore e cila është përzgjedhur për këtë projekt pasi që komunitetet tjera vijnë nga qytetet tjera të Kosovës.

Ndryshe, Caritasi i Luksenburgut në këtë pjesë të Kosovës është prezentë që nga nëntori i vitit 2007 deri në vitin 2010 ku përfundoi mandate i tyre 3 vjeçar për të vazhduar pastaj më mandatin e dytë 2010-2013.

Drejtoria e shkollës në Mirash në shenjë falenderimi dhe përkrahjeje për këtë aktivitet me rëndësi të veçant, organizoi një koktej për pjesëmarrësit dhe donatorin.